香港一頁式網站價錢 2026:點解由 HK$880 到 HK$8,000 都有?

如果你最近問過價,應該會發現同樣叫「一頁式網站」,報價可以差十倍。呢篇文講清楚錢去咗邊,等你揀嘅時候心中有數。

2026 年市場價位

價錢差喺邊?

人手時間。一個設計師由零開始度版面、揀色、寫文案、砌 code、測試手機版,起碼十幾個鐘。乘以時薪,三四千蚊係合理嘅。

會議同改稿。傳統流程有 brief 會、初稿會、改稿會。每次會都係成本,所以好多公司改稿要另外收費。

託管同域名。有啲報價唔包,上線先發現每年要俾多幾百至一千蚊。問價時記得問清楚。

你其實唔需要嘅嘢。會員系統、多語言後台、Blog 管理。一間補習社或者美甲店,九成用唔到。

點解 AI 做得到 HK$880?

唔係魔法。AI 負責最花時間嘅部分:出初稿、寫文案、砌版面。真人負責睇多次:字有冇錯、顏色啱唔啱、手機版散唔散。人手時間由十幾個鐘變一兩個鐘,價錢自然跌。

代價係:你唔會有一個設計師同你開三次會。但對一間小店嚟講,通常呢個唔係損失。

邊種人揀邊種?

• 連鎖店、品牌:揀設計公司,你需要嘅係品牌形象,唔係一頁。
• 要複雜功能(網上落單、會員):揀網頁公司或者 Shopify 類平台。
• 小店、導師、教練、Freelancer:一頁講清楚做咩、幾錢、點搵你,已經夠。揀最快最平嗰個。